Emilio naceu no 1945 en Casacamiño, Monfero. Gústalle mirar o ceo porque o relaxa e destaca que no monte víase sempre máis claro. Recorda que de pequeno, relacionábase que, cando alguén morría, caía unha estrela.

Carmen Río naceu no Buriz no ano 1943 aínda que pasou toda a súa vida nos Vilares. Gústalle o ceo por todas as  vivenzas que relaciona con el… nos seus tempos mozos.

José naceu no ano 1927 en Buriz, no lugar do Penedo, Concello de Guitiriz. Cando lle preguntamos: «Cando se ve mellor o ceo?», el responde directo: «Pola tarde, cando un se levanta da siesta e non ten sono».

Josefa Freire naceu en Orosa (Aranga) en 1936, na parroquia de Vilarraso. A ela gústalle ver o ceo no verán, porque é cando mellor se pode ver, incluso se poden ver planetas. A luz das estrelas era unha axuda cando ían as festas.

Ángel Caínzos naxeu en Os Ramos, actualmente vive en A Penafachada coa súa muller Marisa. Di que lle gusta mirar o ceo cando pasan os avións, que o ceo serve para saber o tempo que vai facer, para saber se se pode ir traballar ou non.

Tamén conta que o ceo cambiou totalmente, que antes estaba despexado e que agora está nublado pola contaminación e que el prefire que haxa moitas farolas e que non se vexa ningunha estrela para así poder ver o chan que pisa.

María é unha señora de 80 anos que vive en Ferreira (Parga). Neste vídeo cóntanos que visión ten ela do ceo. Como poderemos apreciar, di que o ceo da súa infancia é igual que o de agora, aínda que a xente non repara tanto nel. Se queredes coñecer un pouco máis sobre esta interesante muller, non dubidedes en ver o vídeo.

Edita naceu no Fagundo, no 1941. Di que lle gusta mirar o ceo porque lle ensina moito e que o ceo non cambiou nin cre que vaia cambiar. Relaciona o ceo coa agricultura, coas lúas: “No ceo está a nosa vivencia”.

Ángel naxeu nos Ramos,  actualmente vive na Penafachada coa súa muller Marisa. Di que lle gusta mirar o ceo cando pasan os avións;  que o ceo serve para saber o tempo que vai facer, para saber se se pode ir traballar ou non. Tamén conta que o ceo cambiou totalmente, que antes estaba despexado e que agora está nublado pola contaminación e que el prefire que haxa moitas farolas e que non se vexa ningunha estrela para así poder ver o chan que pisa.

María Luísa naceu no ano 1966 en Ferrol. Gústalle moito mirar o ceo. Segundo ela, no medio do monte é onde mellor se ve. Algún que outro día visita Ferrol, pero… di que alí hai demasiada luz para ver as estrelas, moita máis que na aldea na que vive.

Palmira Castelo naceu no 1927. É da Fracela, na parroquia de Mariz. Oriéntase coa axuda sol. Ela di que, mirando as sombras na regaña da porta, sabe cando é a hora de comer.

A Pepe gústalle mirar o ceo para ver como estará o día. Afirma que o ceo cambiou moito dende que el era pequeno.

Maricarmen naceu no 1953, en Pontedeume, pero pasou a maior parte da súa vida na Coruña. Pensa que o ceo é romántico e ten a dúbida de se cando morres vas ao ceo ou non. Cando necesita tranquilidade, asómase á fiestra e contempla as estrelas, como cando era pequena na casa dos seus avó.

Maruja naceu en 1934, e di que lle gusta mirar o ceo cando esta despexado. Tamén que se ve mellor pola noite que pola mañá.