• Compartir en
  facebook, twitter

No mes de abril de 2016 celebrouse en Santiago de Compostela un encontro adicado ós Contrato-Programa organizado pola Consellería de Educación ó cal acudiu profesorado de toda Galicia. Este programa é co que o instituto ven apoiando nos últimos cursos boa parte das súas accións de innovación educativa e fumos invitados a falar da nosa experiencia co proxecto de A Lus do Mundo.

Coma xa é habitual, pedímoslles ó noso alumnado que tomase o protagonismo e fixeran eles a presentación. Foi a clase de 2º de ESO a que resumiu como Díaz Castro e a reivindicación da súa figura se convertiron nun elemento educativo integral no noso centro. Despois, dúas alumnas de 2º de Bacharelato explicaron a súa experiencia persoal como parte activa deste proxecto.