• MATERIAS: Titorías
• CONTIDOS: Educación emocional, empatía, socialización, participación, tolerancia, apertura, oralidade, argumentación, motivación.
• SESIÓNS: Unha sesión inicial de traballo en titoría, outra sesión para patrticipación colectiva, unha última de análise da experiencia.
• NECESIDADES: Participación de toda a comunidade educativa nos proxectos de centro.
• SINERXIAS: As cores pretende ser a liña vehicular para os proxectos no curso 2017/18.

OBXECTIVOS

• Visibilizar as emocións en diferentes ambientes
• Vincular as emocións con estados de ánimo compartidos
• Participar na vida da comunidade
• Argumentar
• Desenvolver a capacidade de escoita activa e da empatía

PASO A PASO

01. PREPARATIVOS

Desde a Comisión de Competencias, en colaboración co Departamento de Orientación, convídase a todos os titores para participar nunha identificación da cor que, como comunidade, asociamos coas emocións básicas.

Para iso, prepárase documentación para cada titoría e un taboleiro, na entrada do centro, no que hai un espazo determinado para cada unha das seis emocións elixidas. Igualmente, proporciónanse gomets de todas as cores para encher as emocións, segundo a elección previa, traballada na primeira sesión de titoría.

02. DESENVOLVEMENTO

Todo o alumnado, nunha primeira sesión, é informado do obxectivo e do que se lle solicita que faga. Hai un primeiro achegamento ás emocións e comeza a rolda de expresións orais que motivan a selección de cada cor asociada a cada unha das emocións propostas.

Na segunda sesión, o alumnado debe acceder ao taboleiro da entrada, onde colocará un gomet da cor elixida en cada unha das emocións propostas.

Finalizado o proceso por toda a comunidade educativa (alumnado, profesorado e persoal non docente do centro), proponse, desde a sesión de titoría, unha análise do produto social obtido.

03. AVALIACIÓN

A avaliación do proceso é desenvolvida por profesorado e alumnado, en sesións conxuntas. Da súa pertinencia extráese que os resultados obtidos poden dar lugar a outros produtos relevantes. Por iso, propóñense liñas de traballo que derivan desta: Expresión plástica da experiencia, Invitación para esta actividade a profesionais relacionados coa comunidade educativa…