• Proxecto
  Delegados
• Autoría
  Susana Vázquez Regueiro
• Duración
  Todo o curso
• Ideal para
  Transferibilidade e difusión de experiencias
• Materias
  Delegados
• Cursos
  Todos
• Compartir en
  facebook, twitter

Hai un tempo que, para nós, é fundamental espertar o espírito da participación democrática. Varios son os órganos que a promoven nos centros educativos: Claustro de profesorado, Consello escolar e, para nós, moi especialmente, a Xunta de Delegados.

Nos dous últimos cursos, o equipo de delegados recibe unha formación específica para desenvolver a súa función, facendo fincapé no desenvolvemento de dinámicas participativas como a Asemblea ou na aprendizaxe da representación responsable do grupo. Estas formacións corren a cargo de programas creados para o noso centro pola Asociación Aventeira.

O labor dos Delegados no IES Poeta Díaz Castro pretende o empoderamento do alumnado na participación escolar e na toma de decisións. Por isto, eles son parte fundamental no Concurso Aula Mellor Coidada e nas Avaliacións/Valoracións de fin de curso.

Durante o curso 2024/25, o labor do Equipo de Delegados estivo marcado polos seguintes fitos:

PRIMEIRO TRIMESTRE

• Elección dos delegados/as e subdelegados/as. Seguimos procurando a candidatura por parellas e, na medida do posible, paritaria.
• Formalización da Xunta de Delegados.
• Primeira formación do equipo de delegados.
• Fase 1 do Concurso Aula Mellor Coidada. Inspección, co profesorado responsable, do estado das aulas correspondentes.
• Organización da difusión do Punto Laranxa cunha campaña de lanzamento sorprendente.

SEGUNDO TRIMESTRE

• Segunda formación do equipo de delegados.
• Organización da Primeira Asemblea 2025: Necesidades e propostas de mellora para o centro. Os delegados/as e subdelegados/as, coa axuda dos titores/as recolleron as iniciativas dos seus grupos, aos que representaron na Asemblea. Froito desta xorden estes acordos.
• Activación do Punto Laranxa. Os delegados/as e subdelegados/as de 1º e 2º de ESO son os encargados de crear e interpretar un roleplaying para concienciar sobre o emprego do Punto Laranxa cando sexa preciso.

• Segunda fase do Concurso Aula Mellor Coidada.
• Creación das Comisións de Delegados/as e Subdelegados/as.
• Asunción da función de Axentes de Benestar. Dentro desta, os delegados/as e subdelegados/as asumiron, durante este trimestre, o acollemento e acompañamento inicial do alumnado incorporado ao centro de forma tardía.

TERCEIRO TRIMESTRE

• Terceira fase do Concurso Aula Mellor Coidada e toma de decisións na identificación do grupo gañador.
• Participación activa nas sesións de valoración de fin de curso: autoavaliación da participación da Xunta de Delegados, funcionamento do centro, plan de mellora, etc.