Titorial «A viaxe do heroe»

Proxecto
Díaz Castro
Autoría
María Miragaya, Cristina de la Torre
Ideal para
Potenciar a poesía
Materias
Cultura Clásica, Lingua, Literatura, Roteiros
Cursos
Curso 2015/16
Compartir en
facebook, twitter

Andrea e Álex explican esta actividade centrada no poema Penélope
Colocamos o grupo na estación contra a parede, se son moitos mellor fóra
Explicamos o mito de Penélope con voluntarios para disfrazarse
Repartimos instrumentos e recitamos Penélope con sons en certas palabras
Saímos co grupo nunha manfestación poética dándolle as consignas
Os guías voltan á estación e loxística regresa co cartel cando chegan ó destino

1/6

MATERIAIS NECESARIOS

Coroas de loureiro
Maleta de Ulises
La e agullas
Altofalante
Pau de chuvia
Tarro con moedas
Xornal para o son das follas de outono
O poema de Penélope en pancarta
Consignas para berrar na manifestación poética
Manual parada 03

NOTAS

Temos todo o atrezzo no banco
Colocar á xente en semicírculo para que vexan a obra
As consignas cámbianse cada ano. Hai que ter tres copias de cada unha para que as leven os grupos con eles.

PASO A PASO

Se non temos permiso para usar o acceso á estación farémolo fóra
Colocamos a maleta e os elementos da parada nalgunha mesa ou soporte
Presentación e explicación da actividade
Repartimos os roles de ulises, penélope e pretendentes
Explicamos o mito de penélope
Despregamos o poema de penélope e explicar a súa relación co mito
Recitalo todos xuntos cos sons marcados
Facer un debuxo no pasaporte inspirado no mito de penélope
Facemos a conclusión do xogo co poema de penélope con sons
Enchen o pasaporte no oco correspondente
O grupo inicia a manifestación poética cos anfitrións liderando
Os guías acompañan un rato á manifestación. Se é o último grupo, vanse con eles

PRESENTACIÓN

Non vos ten pasado cando ledes un libro que pensades: «esta é a mesma historia que aquela que…» Coinciden as historias porque quenes as escriben comparte referentes literarios. E diso imos falar, dos referentes.

ACTIVIDADE

Díaz Castro coñecía a literatura clásica grega na que Homero é un dos autores máis importantes. Escribiu A Odisea hai case tres mil anos e nela conta a historia da viaxe de Ulises e do seu regreso a casa.

Coñecédela? Imos interpretala. Quen quere ser Ulises? E Penélope? (Colocámoslleso atrezzo, unha coroa a Ulises, a calceta a Penélope)

Esta é Penélope, na illa de Ítaca. O rei Ulises é seu marido, pero marcha á Guerra de Troia (dámoslle a maleta e que marche) Penélope agarda por el, pero terá moitos pretendentes … tres pretendentes, rápido!

Para non ter que casar de novo, Penélope comeza a tecer un sudario e asegura aos candidatos que escollerá a un deles cando o remate. Pero Penélope tece polo día e destece pola noite para non ter que casar de novo.

Dez anos despois, Ulises regresa e recupera a súa posición e a súa muller, e os pretendentes quedan sen esposa.

Fin. Un aplauso!

CONCLUSIÓN

E por que vos contamos esta historia? (Sacamos o poema de Penélope) Este é o poema máis famoso de Díaz Castro, titúlase Penélope pero nel non hai ningunha muller. Imos lelo con banda sonora. (Lemos Penélope cos sons de chuvia, moedas, barco, reloxo, pasos e outono nas palabras sulinadas. Unha vez de mostra e outra cos participantes)

De que fala Díaz Castro no poema? Quen é Penélope? Por quen agarda?

Penélope é unha metáfora da Galiza que agarda polos emigrantes que partían de sitios coma este, a estación de tren. Díaz Castro vivía en Madrid e cando viña de vacacións moitas veces facíao no tren, chegaba aquí.

Cando se xubilou regresou a Guitiriz o que foi a oportunidade para a vila de reivindicar a súa poesía. E así imos rematar, pedindo máis poesía. Pero antescompletade o pasaporte cun debuxo inspirado en Penélope.

(Entregamos o megáfono e as consignas) Agora, para chegar á seguinte parada tedes que facer unha manifestación poética. Esas son as consignas e o megáfono así que temos que oirvos! Adiante!

MÁIS POESÍA, MENOS TIK-TOK
ESTE UNIVERSO, PRECISA DOS TEUS VERSOS
OS VERSOS LIBRES, TAMÉN SON POSIBLES

A lus do mundo