• MATERIAS: Experiencia interdisciplinaria e de inclusión, aberta ás familias e institucións da contorna
• SESIÓNS: Unha semana de preparación e un día de celebración.
• NECESIDADES: Aspectos organizativos de centro, colaboración de profesorado, alumnado e familias.

OBXECTIVOS

• Dar a coñecer os proxectos do centro.
• Empoderar ao alumnado ao difundir a calidade do seu traballo.
• Potenciar a oralidade, como liña vehicular do quefacer diario.

PASO A PASO

01. PREPARATIVOS

Durante todo o curso desenvolvimos diferentes proxectos que se foron materializando e, nalgún caso, converténdose en espazos concretos do centro educativo.

Cómpre salientar os seguintes:

• Dinamización da Lingua 
• O taller de fabricación mecánica, para crear, con vistas ao desenvolvemento profesional.
• Meteorólogos guitiricenses
• Tecnopoetas
• Rincón da Natureza
• O noso mar

02. DESENVOLVEMENTO

Durante o mes de xuño fomos dando forma a unha sorte de Feira de Proxectos, a nivel deseño, que recollera a xeralidade de traballos e na que puidese estar representado case todo o noso alumnado.

A semana do fin de curso foi de moito movemento, intentando cadrar horas para os ensaios e preparación de materiais.

O día 19 de xuño, desde as 12:00, desenvolvimos a Feira, co acompañamento dunha boa representación das familias.

A comunidade, repartida en grupos,  foron visitando, en itinerarios secuenciados, os seis stands, coñecendo os proxectos e participando, nalgúns, das tarefas propostas.