A lus do mundo

Tralas pegadas de Díaz Castro — Un proxecto do IES Poeta Díaz Castro

Guitiriz

A traxectoria literaria de Díaz Castro está relacionada coa vila de Guitiriz porque aquí pasou os últimos anos da súa vida. Foi nesta etapa cando lle chegaron tódolos recoñecementos debidos.

Por iso propoñemoss un roteiro literario con actividades para xogar coas palabras e os versos. As dinámicas están xunto a cada parada pero se vindes visitarnos estaremos encantados de ser os vosos guías.

1. IES Poeta Díaz Castro

  • Un verso de Díaz Castro recibe no hall do centro (Foto Suso Pena)
  • IES Poeta Díaz Castro, acceso
  • IES Poeta Díaz Castro, pavillón cuberto
  • IES Poeta Díaz Castro, biblioteca escolar
1/4

Este percorrido literario comeza no noso instituto, que leva o nome do poeta dende 1994 a iniciativa do seu amigo e principal divulgador Alfonso Blanco Torrado, quen tamén dá clase no centro.

O IES Poeta Díaz Castro é tamén un símbolo da recuperación da súa memoria xa que boa parte da actividade sobre a obra do poeta apóiase no noso traballo recollido nesta mesma web,na que colaborou Xermolos.

2. Curro vello

  • O Curro Vello, zona antiga de Guitiriz vila
  • A zona ten unha mostra sobre augas termais e fontes
1/2

A seguinte parada é na parte máis antiga de Guitiriz, o Curro Vello, onde se conservan rúas antigas que conducen todas á antiga capela. As chaves para vela, téñenas enfrente, na Casa Barxa.

Como actividade propoñemos unha comparativa coa literatura universal para coñecer, por unha banda, a autores cos que Díaz Castro coincidiu no tempo, e por outra, a outros autores dun único libro.

3. Estación de Guitiriz

  • Na estación de tren de Guitiriz analizaremos o regreso

A estación de Gutiriz inaugurouse o 10 de outubro de 1875, coa apertura do tramo A Coruña-Lugo. Dende ese momento o ferrocarril influiu na vida social e económica da vila que pola súa situación ten sido sempre un cruce de camiños.

A esta estación e máis á de Parga chegaba Díaz Castro para pasar as vacacións no Vilariño, ata o día que regresou para quedarse, como o heroe da Elíada. Por iso, a proposta para esta parada é analizar o poema de Penélope.

4. Casa das Palabras

  • A Casa das Palabras ten unha extensa biblioteca
  • Busto e abrigo de Díaz Castro conservados na Casa das Palabras
  • Díaz Castro na homenaxe que lle fixeron na Casa das Palabras en 1990
1/3

É a sede da Asociación Cultural Xermolos, e onde Díaz Castro se refuxiaba na súa etapa en Guitiriz. Aquí consérvase o legado do poeta, fotografías, manuscritos, poemas inéditos, etc, e recibiu unha homenaxe poucos meses antes de morrer.

A Casa das palabras conta cunha extensa biblioteca e por iso adicamos esta parada ó léxico de Nimbos. Podedes bucear nas verbas máis empregadas polo autor e nas formas da Terra Chá tan presentes na súa poesía.

 

5. Casa Habanera

  • Salón de actos da Casa Habanera
  • No ático do edificio hai unha biblioteca
1/2

Neste edificio estivo o primeiro instituto de secundaria e bacharelato de Guitiriz. Rehabilitado nos últimos anos, na actualidade é unha biblioteca e centro onde se celebran actos como o das Letras Galegas de 2014.

Nel, antes da súa restauración, foi onde Díaz Castro deu o seu primeiro recital en Galicia en 1984. A ese recital acudiron moitos veciños e amigos e tamén poetas ós que coñeceu ese día como Manuel María.

6. Campo da feira

  • Aquí celébrase feira tódolos mércores
  • Este reloxo analemático está nun dos laterais da praza
1/2

Aquí, tódolos mércores hai feira, así que non hai que explicar o nome. É un lugar de encontro ó lado da igrexa de Santa María de Lagostelle e no parque hai unha escultura adicada a Díaz Castro cos versos de Esmeralda.

Neste lugar o poeta pasou horas cos nenos, cos que tiña unha especial conexión. É posible que os animase a escribir versos, como coa dinámica de literatura de cordel que vos propoñemos.

7. Paseo ós Sete Muíños

  • Área recreativa dos Sete Muíños

Esta zona recreativa de Guitiriz é especialmente bonita e por iso, como proposta de fin de roteiro, animámosvos a vir ata aquí, sobre todo se vos quedades a xantar, xa que ten sombra, zona de baño e onde sentarse.

Na zona hai muíños ben conservados á beira do río Escádebas e pasa por aquí a Ruta do Auga, que atravesa o municipio. Para o camiño propoñémosvos as músicas dos poemas e unha actividade de fotografía.

8. En bus a Pardiñas

  • Vista xeral do Balneario de Pardiñas
  • O balneario pode visitarse polas mañás
1/2

En Guitiriz hai dous balnearios, o de Pardiñas, aínda que non é o máis antigo (creouse no 1955) conserva a arquitectura da época e un entorno natural privilexiado. Pódese entrar á fonte e probar as augas.

Aquí faise o festival de Pardiñas ó que Díaz Castro gustáballe asistir e axudar nos obradoiros de escritura para nenos. Tamén foi pregoeiro e aquí estreouse o documental que lle adicou Xulio Xiz, Nimbos de poesía.